A VI edición do Esmorga Fest pospón a súa celebración para os días 13 e 14 de novembro, por mor da crise sanitaria do Covid19. A organización anuncia que nos próximos días darán a coñecer o cartel definitivo e agradecen o apoio recibido, aseguran que seguirán “loitando por promover a cultura, agora más ca nunca.”

Para as persoas que teñan comprado entrada e non poden acudir na nova data fixada, ábrese prazo de devolución de entradas do 10 ao 20 de abril. Haberá que escribir un correo á dirección entradas@esmorgafest.com indicando nome e apelidos, número de entradas e o número do pedido, que se enviou coas entradas. Nun prazo máximo de 10 días reembolsaránselle os gastos. As entradas adquiridas nos puntos de venta físicos devolveranse en canto a situación actual se estabilice, tal e como informan desde a organización.