A xornalista e presentadora de La Sexta, Ana Pastor, achegouse este luns ata Castroncelos, na Pobra do Brollón, para vivir de primeira man os traballos levados a cabo na Igrexa Parroquial para exhumar os corpos de dous asasinados polos franquistas na Guerra Civil.

Dende alí, a reporteira da Sexta gravou un programa onde o tema principal son os traballos de exhumación de corpos dos asasinados durante a época franquista. Uns traballos nos que están involucrados tanto os voluntarios da Asociación da Recuperación da Memoria Histórica coma Xurxo Ayán, arqueólogo da zona e principal impulsor do descubrimento do Castro de San Lourenzo na parroquia de Cereixa.