O mesmo día que se perdeu o servizo, desde Courel Vivo aseguran que se chamou á compañía telefónica e que esta abriu unha avaría masiva, asegurando que o resolverían de forma urxente.
Pasaron 4 días desde incidencia e a veciñanza segue incomunicada. Sen poder chamar por algunha urxencia, se fose preciso. Núcleos como Romeor, Noceda, Teixeira, Visuña, etc non teñen servizo.
Para enviar este comunicado aos medios, sinalan desde Courel Vivo que se tiveron que desprazar varios km, ao igual que para chamar á compañía e saber o estado da incidencia.
Pregúntanse desde Courel Vivo, “se pasase o mesmo nunha cidade, deixando incomunicado ao 40% da poboación, deixarían pasar varios días?? As compañías afectadas, van abonar o diñeiro cobrado nestes días??”
Insisten desde Courel Vivo en que se solucione urxemente o estar incomunicados porque nesta situación non poden facer frente a posibles urxencias.
