O Concello de Monforte vai levar a cabo o desbroce da maleza dos arredores da muralla pois o conxunto monumental de San Vicente e a súa contorna son un dos principais reclamos turísticos da cidade.

Estes traballos, que implicarán a actuación en 14.600 metros cadrados de superficie, terán un custo de 16.940 euros para as arcas públicas e darán comezo hoxe martes día 10 de xullo.

A previsión do goberno municipal é que as tarefas estean rematadas no mes de agosto, para que, segundo o Alcalde, “no mes das festas patronais a zona monumental ofreza o seu mellor aspecto”.