Andrés Montes, vocalista de Gin Toni´s, foi o encargado de volver abrir os eventos de lecer e cultura do Círculo Saviñao despois do estado de alarma. Foi nun concerto que ofreceu na terraza do local da sociedade. O músico, veciño e socio interpretou unha gran variedade de versións guitarra en man para agasallar a seguidores e veciños.

O Círculo lembra que os próximos concertos serán neste espazo ó aire libre, con aforo limitado, distancia de seguridade e que será obrigado o uso da máscara e o sentido común.

A seguinte cita será o sábado, 4 de xullo, ás 20.00 coa actuación de Jorge Alcalá, e o 11 de xullo tamén ás 20.00, a cita será con Poemas de amor en outono de Xoán Eiriz.