O Concello de Bóveda volve abrir o prazo para inscribirse no campamento de verán para nenos e nenas para a segunda quincena de xullo. Do 16 ao 31 haberá unha nova edición do campamento no que poden participar 15 nenos e nenas de entre 4 e 13 anos.

Polo de agora hai prazas libres para a segunda quincena de xullo. Os interesados teñen que chamar ao 982 42 61 77. Na primeira quincena cubríronse todas as prazas. Os nenos e nenas participan nas actividades de 09:00 a 14:00 horas de luns a venres.