Este pasado venres, 10 de xullo, un lume queimou o teito de madeira e unhas escaleiras exteriores da parte de arriba da Casa da Música de Chantada.

Segundo informaba a Policía Local, o lume afectou ao exterior do inmoble e a uns laterais de aluminio, aínda que todo indica que non se rexistraron danos aparentes no interior do edificio.

O incendio declarouse ao redor das 19:30 h. e os bombeiros conseguiron extinguir o lume sobre as 20,45 horas despois de arrefriar a zona.

A Policía Local explica que este domingo celebraranse as eleccións autonómicas no auditorio municipal, edificio contiguo á Casa da Música –xa que se entra pola mesma porta–, pero non prevén problemas para o seu uso.