Despois dun ano extraordinario, o presidente do Consello Regulador da D.O. Ribeira Sacra, José Manuel Rodríguez, confirma que a colleita desta campaña será sensiblemente inferior en volume á da pasada vedima.

Segundo explicou a EFE será mesmo máis baixa do normal, porque “se situará ao redor dos cinco millóns de quilos”, cando o habitual é que se mova sobre “os seis millóns”. “A do ano pasado foi unha colleita extraordinariamente abundante”, dixo Rodríguez, pero a deste ano será “pequena”, mesmo por baixo “do que é normal”.

En todo caso, confía en que a calidade da uva, se o tempo mantense estable, sexa boa. De feito, confirmou que o tempo estable do último mes permitiu que os viticultores controlasen sen maiores problemas os brotes de fungos que preocupaban en varias zonas da Denominación hai algunhas semanas.