A vicepresidenta da Deputación, Maite Ferreiro, asistiu á clausura da XX Conferencia Internacional do Movemento Internacional sobre Museoloxía Social (MINOM), que se celebrou este sábado no Pazo de Tor de Monforte.

A Conferencia estaba organizada pola Rede Provincial en colaboración coa Universidade de Santiago de Compostela (USC) e a Universidade Lusófona de Lisboa.

Os membros do comité científico do congreso formularon as conclusións museísticas e elaboraron a Declaración Lugo Lisboa 2020 que concreta as directrices, recomendacións e retos aos que terán que enfrontarse os museos no ámbito social, ambiental, político e económico.

No acto, participou tamén a vicerreitora do Campus de Lugo da USC, Montserrat Valcárcel.