Despois de máis de 3 meses e medio volve o coronavirus ao Hospital de Monforte. Trátase dunha muller de 60 anos, caso activo do foco do Saviñao, que non presenta síntomas graves. Posiblemente non tarde en enviarse de novo a seguir o confinamento no domicilio. Con esta hospitalización son 3 os pacientes por coronavirus en hospitais na provincia, un no HULA, outro na Mariña e este caso de Monforte.
A provincia conta con 72 casos activos de coronavirus dos que 26 están na Mariña onde seguen descendendo cada día os casos activos tralo “rebrote”. Mentres en Galicia aumentan en 32 os casos activos con respecto a este xoves e sitúanse en 444 –tras subir en cinco áreas sanitarias–, dos que 177 corresponden á da Coruña e Cee –21 máis que a xornada pasada–, onde hai un gromo relacionado cun ximnasio en Arteixo.
Dos 444 casos activos, 177 corresponden á área da Coruña e Cee –21 máis que este xoves–; 72 á de Lugo –un menos–; 78 á de Vigo –tres máis–, 43á de Pontevedra e O Salnés –dúas máis–; 34 á de Ourense –dúas máis–; 35 á de Santiago–cinco máis– e cinco á de Ferrol –sen cambios–.
