A razón desta solicitude radica no inminente retorno ás aulas por parte do alumnado de todos os niveis educativos, e a situación de incerteza na que está sumida toda a comunidade educativa.

Unha das medidas máis solicitadas pola comunidade educativa foi a reducción de ratios de alumnado dentro das aulas, baseándose nas recomendacións das autoridades sanitarias, que desaconsellan as xuntanzas en sitios pechados de máis de 10 persoas, mentres que nunha aula de primaria hai ata 25 rapaces/as, chegando a máis de 30 nunha aula de secundaria, na que pasarán 5 horas ao dia, e sen adecuada ventilación en moitos casos. Ratios que non é posible reducir por non dispoñer de espazos onde ubicar ao alumnado desdobrado, segundo sinalou a conselleira de educación.

Nesta situación Esperta lembra que o Concello de Monforte dispón de varios locais baleiros, tanto en propiedade como alquilados, aos que se lles podería dar un uso educativo sempre que houbera vontade de facelo.