HomePolíticaIrreguladidades nun proceso selectivo en Pantón?

Irreguladidades nun proceso selectivo en Pantón?

Durante as últimas semanas o BNG de Pantón asegura que recibiu moitas queixas sobre posibles irregularidades no proceso selectivo que se está a levar a cabo no concello, sobre as probas realizadas, a alteración de horarios destas, a adecuación das mesmas á categoría Profesional, e mesmo a 'non procedencia do Tribunal'

Publicado o

POR
Redacción
- Advertisement -

Segundo o BNG de Pantón, as canles para a denuncia do proceso son reclamar no período que citan as propias bases, e se fora o caso canalizar a denuncia pola vía contencioso-administrativo ou do social, segundo o que se denuncie.

Dende o BNG lembran que os procesos de acceso a postos de traballo deben estar suxeitos á transparencia, “e existe a obriga legal de respectar sempre os principios de igualdade, mérito e capacidade no acceso a postos de traballo público.”

Máis alá diso, sinalan os nacionlistas, cadaquén debe valorar que medidas emprender e en que termos, “xa que de nada vale enfadarse ou criticar ao goberno municipal se despois non se toman as medidas axeitadas, nin se dan pasos adiante para rematar cun sistema perverso que favorece a uns poucos e perxudica á maioría.”

“Acabar co caciquismo é fundamental para a supervivencia do noso concello, e non podemos ter medo da democracia nin dos principios nos que esta se basea, aquelas persoas que teñen os méritos e a valía accederán a postos públicos sen ter que coñecer a ninguén, nin render pleitesía” afirma Rosa Ana Prieto Florines, voceira municipal do BNG que evita pronunciarse sobre a legalidade do proceso, que considera debe determinar a xustiza non os políticos.

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...