Este sábado, 17 de outubro, ás 17:00 horas a alcaldesa de Triacastela, Olga Iglesias, presidirá o acto de presentación do libro ‘Triacastela, Refugio Real’, un volume sobre a historia do Concello.

No acto estará acompañada polo autor do libro, José M. Salgado, e polo delegado territorial da Xunta en Lugo, Javier Arias Fouz.

De seguido, ás 18:30 horas, haberá un concerto do grupo A Quenlla, evento promovido pola Mancomunidade de Municipios Galegos do Camiño Francés e o Xacobeo 2021 en colaboración co Concello de Triacastela. Ambos os actos serán nunha carpa instalada na Praza da Deputación de Triacastela.