Desde C@urel Vivo aseguran que se nota un aumento da demanda de vivendas na zona, dada a situación da Covid-19 onde moitas familias prefiren retornar ó rural.

Segundo esta formación política, moitos destes inmobles non están anunciados polo que non son  localizables polos interesados. Nestas circunstancias este ano tentaron poñer en contacto a ambas partes, e afirman que viron a necesidade de facer un censo accesible por todos no que apareceran estas instalacións e as que faltan, podendo contactar con eles para engadilas.

Algúns propietarios dan a posibilidade de cedelas por uns anos e nalgúns casos que precisan arranxo plantéxase que o inquilino a arranxe. O listado de vivendas que ofrece CV pódese consultar neste enlace. Se algún propietario/a desexa anunciar a súa podeo facer no 669164004, no correo caurelvivo@gmail.com ou por facebook.

Segundo o IGE, no Courel das 480 vivendas principais que hai, o 10% están baleiras. Outras 430 son vivendas secuntarias. Non hai un listado oficial das edificacións en ruinas, ás cales a veces se converten nun problema, como sinalan desde C@urel Vivo. A este respecto CV asegura que levará a pleno unha proposta para debater entre os 3 grupos do Concello.