HomeCulturaA serie dixital "Adegas da Memoria" compite no Carballo Interplay

A serie dixital “Adegas da Memoria” compite no Carballo Interplay

A serie documental Adegas da Memoria, gravada en Vilachá de Salvadur, competirá na séptima edición de Carballo Interplay, o festival internacional de contidos dixitais que este ano terá lugar do 18 ao 21 de novembro.

Publicado o

POR
Redacción
- Advertisement -

Adegas da Memoria participará xunto a outros 30 títulos que representan unha “completa panorámica” acerca do estado das webseries a nivel mundial, segundo comunicaron dende a organización do festival.

Os episodios de Adegas da Memoria parten dos veciños e veciñas de Vilachá para indagar no pasado e presente da Ribeira Sacra cun ritmo pausado e unha estética coidada, todo acompañado pola voz poética de Olga Novo. A serie está dirixida por Xosé Gago e realizada por Iago Seoane e Rudá Cordaro de Nas Beiras.

A webserie englóbase nun proxecto homónimo promovido do Concello da Pobra do Brollón e a Asociación Veciñal de Vilachá. Como parte do proxecto, estase a realizar o primeiro gran estudo científico das orixes da Ribeira Sacra en colaboración coa Universidade Nova de Lisboa e o Incipit-CSIC. Neste 2020 o proxecto tamén conta con financiamento da Consellería de Cultura a través da Dirección Xeral do Patrimonio.

A primeira e segunda tempada de Adegas da Memoria xa están dispoñibles para ver de xeito gratuíto na web do proxecto (adegasdamemoria.com)

ÚLTIMAS

Arias felicita ao cociñeiro Rafa Centeno e ao equipo do restaurante Vértigo por lograr a primeira Estrela Michelín da provincia

Arias visitou o establecemento acompañado do alcalde de Sober, Luis Fernández, para felicitar ao...

Enonatur e unha iniciativa inclusiva do Club Fluvial de Monforte, premios AGADER 2025

A conselleira de Medio Rural, María José Gómez, definiu estes galardóns -aos que este...

Xornada de formación no SAF de Quiroga

A formación tivo unha primeira parte na que a coordinadora do servizo e traballadora...

‘RecilLemos de xeito sostible’ reforza a sensibilización veciñal monfortina con accións a pé de rúa

O Concello de Monforte de Lemos impulsa a campaña de sensibilización “RecicLemos de xeito...