As mulleres que traballan no Concello de Triacastela fixeron este martes, 24 de novembro, a VIII Andaina Solidaria contra a Violencia de Xénero camiñando do Biduedo a Triacastela, percorrendo este pedazo do Camiño Francés.

A rexedora, Olga Iglesias, asegura que “desde Triacastela queremos sumar máis pasos. Máis preto da Igualdade”.

En conmemoración do 25N, Día Internacional contra a Violencia de Xénero, a Xunta de Galicia, a través da Concellería de Emprego e Igualdade e a Secretaría Xeral de Igualdade, organizan esta Andaina Solidaria para que este ano, máis ca nunca, camiñemos cara ao respecto e loitemos así contra a Violencia de Xénero. Unha iniciativa á que quixo sumarse o Concello de Triacasela.