A persoa demandante recorreu ó Concencioso Administrativo tras a resolución de data 8 de xullo de 2020 que recollía o Acordo de inadmisión a trámite da Xunta de Goberno local do Concello de Monforte de data 6 de xullo de 2020, en resposta á reclamación por responsabilidade patrimonial interposta por M.J.G.V. contra o Concello por caída na vía pública, en concreto, a rúa Cardenal. A tal efecto, esta persoa pedía unha indemnización ó Concello de 3.603,41 euros.
Dende o Contencioso-Administrativo nº 2 de Lugo considerouse probada a caída na vía pública da persoa demandante, xa que a Policía Local de Monforte foi avisada do suceso, e tamén existe un parte de urxencias do hospital comarcal.
Tal e como indica a sentenza, a persoa demandante non presentou como testemuña da caída ó familiar que naquel momento a acompañaba. O motivo principal que supuxo para o Contencioso-Administrativo a desestimación desta demanda contra o Concello foi a “inexistencia de nexo causal, fundamentado nun risco ordinario da vida cotiá”, sendo o feito xulgado ”un mero percance casual, desafortunado y fortuito al que comúnmente están expuestos los peatones, cuyas consecuencias lesivas no pueden trasladarse automáticamente al Concello”.
Dende o Concello, laméntanse as lesións que esta persoa puidera sufrir a raíz deste “tropezo fortuíto e desafortunado”, e agárdase que, unha vez renovado todo o pavimento desta rúa Cardenal, a principios deste ano 2020, non se produzan máis caídas deste tipo. Destácase que esta sentenza confirma que non todas as caídas que se produciron nesta rúa eran imputables ó mal estado da vía, tal como apuntan desde o Concello.
