Cando a Garda Civil se aproxima observan que pola parte traseira do coche “unha caixa de cartón que oculta a zona da defensa na que se atopa o tubo de escape e pódese ver algo que parece unha tubaxe que provén de detrás da caixa e parece dirixirse ao interior do vehículo.”
Os axentes comproban que no interior do mesmo hai unha persoa sentada ao volante, e non respostaba a estímulos externos. Ao abrir a porta do condutor despréndese un forte cheiro a gases da combustión.
A persoa atópase no que asemella un estado de semiinconsciencia, feito polo cal se procede a sacalo do interior do vehículo. Pasados uns instantes, tal e como sinalan desde a Garda Civil, “a persoa recobra a consciencia polo que a patrulla de servizo comeza unha conversa co propósito de mantelo despexado, e ao mesmo tempo realizando xestións para que se envíe ao lugar unha ambulancia para o seu traslado a centro hospitalario.” O home é evacuado ao Hospital Comarcal de Monforte de Lemos para unha revisión máis exhaustiva e a súa valoración.
