O Agader comprométese, con cargo a este convencio, a aboar ao Concello de Bóveda a cantidade de 40.000 euros para o proxecto Rehabilitación do Muíño dos Fernández, con cargo aos orzamentos xerais da Comunidade Autónoma de Galicia para o ano 2021, no marco das “Actuacións senlleiras de mellora do patrimonio rural”.
O período de vixencia do convenio é desde a súa sinatura, os pasados días, e ata o 31 de decembro de 2021. O prazo máximo para presentar a documentación xustificativa da actividade será o 30 de agosto de 2021.
O muíño dos Fernández, situado no Concello de Bóveda e vinculado ao núcleo do Souto que da orixe a esta vila, encadra na definición de muíño de río, conta cunha serie de peculiaridades e feitos diferenciais que fan da súa recuperación e posta en valor un proxecto senlleiro con identidade propia.
A súa importancia etnográfica, cultural e patrimonial como elemento identificativo da cultura rural de Galicia, xustifica, tal e como precisan deste Agader, o seu interese público e social.
Conxunto etnográfico do souto
Xunto con este proxecto, o Goberno local ten en marcha a rehabilitación do conxunto etnográfico do souto, en concreto a recuperación da ponte sobre o río Mao e o Camiño do Souto.
O alcalde de Bóveda, José Manuel Arias, explica que este intervención integral na zona “pretende poñer en valor todos estes elementos e recuperar esta contorna privilexiada para o uso público”.
