Están abertos ao público os parques infantís, pero farano cunha serie de medidas e restricións. Un servizo de voluntariado será o encargado de vixiar que nestes espazos infantís de ocio e diversión se respecten as medidas sanitarias anti- Covid.
Desde este mércores ata o día 7 de xaneiro, os tres parques da vila Quiroguesa: o parque da Constitución, o parque da Igrexa e o parque da praza España contarán con servizo de vixilancia no horario que o concello entende de maior afluencia de usuarios. Este horario será de 12:00 a 14:00 e de 16:00 a 18:00 todos os días, incluídos os festivos.
A concelleira de xuventude, Ana Lucía Nogueira, recalcou que o cometido dos voluntarios será o de vixiar o cumprimento das medidas sanitarias como uso de máscaras e distancia social, non o de cuidar aos nenos e nenas nestas instalacións, iso será responsabilidade dos adultos que os acompañen.
