O Círculo Saviñao conta cunha exposición de pintura de Carmen Prado. A mostra que leva por título Pequeniños conta con 37 óleos da pintora lucense e pódese visitar desde o pasado 19 de decembro. Este sábado, 26 de decembro, a partir das 18.00 contarase cunha actividade para todos os públicos, a actuación do mago Deimi.

Este domingo, 27 de decembro, Nova Escena Teatro representa “As fillas de Eva“; unha representación para adultos. A cita será ás 18.00h no auditorio municipal.

O 29 de decembro tamén a partir das 18.00h contarase con contacontos. Fátima Fernandez presentará para o público infantil, “Unha viaxe ó mundo dos contos pop up”.

Xa no vineiro ano, o 1 de xaneiro actuará o grupo Muy Montes, formado polos irmáns Andrés e Paula Montes. O concerto comezará ás 20,00h. E o 2 de xaneiro, tamén a partir das 20.00h, Tarabela creativa, representará o espectáculo “Divas de diván”. En todas as citas débese de acudir con máscara e contarase con aforos reducidos, distancias de seguridade e ventilación.