Os feitos remóntanse ao pasado mes de outubro, cando o detido denuncia que se dirixiu a un dos caixeiros da entidade para realizar unha retirada de diñeiro en efectivo e que nese momento é abordado por outro home, o cal lle puxo un coitelo de cociña no peito e pediulle que retirara todo o diñeiro dispoñible na conta, conseguindo subtraerlle 940 euros en efectivo.

Por mor dos feitos denunciados iníciase unha investigación que determina que tanto o denunciante como o suposto autor dos feitos teñen relación, observando numerosas contradicións entre os feitos relatados e a realidade do sucedido, incorrendo ambos nun suposto Delito de Simulación de Delito.

O motivo da denuncia supostamente sería para a obtención dunha indemnización económica por parte do seguro da tarxeta utilizada no caixeiro. As persoas detidas son postas ao dispor do Xulgado de Instrución nº 1 de Sarria.