Segundo informou o Centro Integrado de Atención ás Emerxencias de Galicia ( CIAE), o 112 recibiu aviso do accidente, que se produciu na estrada provincial LU- P-5804 -comunica Currelos e Escairón-, ás 12:12 horas. A persoa que chamou á central de emerxencias informou de que o condutor tiña dificultades para saír “polo seu propio pé” do coche sinistrado.

O 112 mobilizou aos Bombeiros de Chantada, á Garda Civil de Tráfico, á agrupación de voluntarios de Protección Civil e ao 061. Despois de recibir os primeiros auxilios no lugar do sinistro, o condutor foi trasladado por unha ambulancia de Soporte Vital Básico do 061 ao Hospital Público de Monforte.