O alcalde, Carlos Armesto, sinala que a instalación das letras de benvida no Saviñao responde “a unha iniciativa propia que promociona o noso municipio do que nos sentimos tan orgullosos”. 

“O Saviñao dá así un salto cualitativo na potenciación da nosa imaxe de cara a nós mesmos e aos que se acheguen. Somos unha zona en auxe, coa candidatura da Ribeira Sacra a Patrimonio da Humanidade, polo que, dende o goberno local, non queremos quedarnos atrás, senón arrimar o ombro dentro das nosas posibilidades para ser un reclamo de cara ao exterior”, destaca o rexedor municipal.

Aqueles que se acheguen ata O Saviñao poden ver esta nova imaxe, que acada o seu maior esplendor de noite, que é cando se iluminan as letras.