O Concello do Saviñao vén de instalar dúas pizarras dixitais interactivas na gardaría municipal. A través desta iniciativa, sufragada pola entidade local con fondos propios, preténdese facilitar o acceso ás novas tecnoloxías dos nenos e nenas matriculados no centro.

O equipo de goberno asegura ver a necesidade de que a educación pública en todas as súas etapas se adapte aos novos tempos, entendendo que as ferramentas dixitais poden ser un apoio importante para o educador á hora de potenciar e desenvolver a súas actividades, ademais de avanzar na aprendizaxe da pronunciación dunha forma lúdica.

O alcalde da localidade, Carlos Armesto, explica que este programa de pizarras dixitais “é unha aposta máis polas escolas infantís, xa que temos o convencemento, di, de que investir en educación é unha garantía de futuro”. Neste senso, engade que “serven para dar un mellor servizo ás familias e ter unha escola máis áxil e moderna”.