O Servizo Galego de Saúde (Sergas) vén de comunicar outros dous falecementos de persoas que foran diagnosticadas de coronavirus na área de Lugo: un home de 85 anos, residente no centro Nosa Señora do Carmen (Sarria), e outro de 83, que permanecía ingresado no HULA.

Ningún dos decesos corresponde coa xornada de hoxe, a pesar de ser referidos por Sanidade á última hora da tarde de hoxe canda outras 26 mortes no conxunto de Galicia. Todas elas presentaban patoloxías previas.

Desta maneira, a área sanitaria de Lugo alcanza as 174 vítimas mortais no que vai de pandemia. 

Please wait while you are redirected...or Click Here if you do not want to wait.