O Concello de Castro Caldelas está a despregar unha Rede WiFi propia e independente –financiada con fondos europeos– co obxectivo de ofrecer internet de balde en zonas e edificios públicos a veciñas, veciños e visitantes .

Xa comezaron as obras de instalación en dez puntos que cubrirán as seguintes zonas de ocio e edificios públicos: Concello, castelo, polideportivo, Aula CeMit, Toural, Praza do Prado, Casco Histórico, Parque da Estrela, zona de autobuses e Xardíns do Santuario.

Segundo comenta a alcaldesa, Sara Inés Vega, “con esta implantación punteira, que comezará a funcionar en breve, queremos facilitar a incorporación da tecnoloxía aos espazos de ocio e o acceso da poboación a internet”.