Esta xuntanza por vídeo conferencia celebrábase para presentarlle á Conselleira, o proxecto de urbanización dunha nova rúa que unirá a rúa Tallos co cuartel da Garda Civil.
A conselleira atendeu as explicacións do alcalde, Julio Álvarez, e estudou os planos que lle presentou o alcalde dunha rúa de 16 metros de ancho con todos os servizos urbanos, xa contemplada no Plan Xeral de Ordenación Municipal.
Esta nova vía na parte alta da vila quiroguesa, ademais de unir a rúa Tallos co Cuartel da Benemérita, daría servizo ao futuro Cemiterio Municipal que proxecta construír o concello. A decisión de construír un cemiterio, o primeiro de carácter municipal, vén dada pola necesidade de contar cun lugar para acoller aos defuntos, posto que o cemiterio da parroquia de Quiroga xa non ten dispoñibilidade de máis terreo.
