Un dos obxectivos das reportaxes deste programa divulgativo de televisión é promover o consumo e a alimentación saúdables, misión que levan a cabo percorrendo a xeografía nacional amosando a súa natureza, clima e gastronomía a través do traballo de agricultores e produtores.

O pasado 27 de abril, dentro do mesmo programa, saíron as visitas a Caurelor e Airas Moniz, dous proxectos agroalimentarios asentados no rural. Caurelor desenvolve a a súa actividade na Comarca de Quiroga e Airas Monis na de Chantada.

Na reportaxe quiroguesa charlaron con Veronica e Dani, de Caurelor, que explicaron como elaboraban as súas marmeladas e queixos lembrando tamén as dificultades do minifundismo galego. Xa en Chantada, o reporteiro do programa falou con Suso, da Queixería Airas Moniz, co que se viu o proceso de elaboración de manteiga, neste caso da súa coñecida marca ‘Chantada’.

A reportaxe pódese ver na páxina web de TVE.