O sábado 11 de agosto dá comezo a XXIII edición da Feira da Rosca de Sober onde se poderán mercar outros produtos típicos da zona como é o mel. Durante a xornada, na cal tamén se inaugurou o Túnel do Viño de Sober -no que participan 30 adegas con máis de 50 referencias-, estiveron presentes Luis Fernández Guitián, alcalde de Sober, José Manuel Rodríguez, presidente do Consello Regulador da Ribeira Sacra, a secretaria do Parlamento, Raquel Arias, os sumilleres Humberto Loureiro e Bruno Lobelle ademais de dous expertos en caldos, Luis Paadín e Hernández Mañas.
Durante a fin de semana, un total de 16 postos estarán presentes nas rúas de Sober para facer as delicias dos asistentes. 3 rosqueiros, 2 oleiros de Gundivós, 2 produtores de mel, 4 artesáns, 3 queixeiras e 2 produtores artesáns da castaña e derivados, ofrecerán as súas elaboracións a todos os que se acheguen ós seus postos.
A programación para o sábado 11:
- 19:30 horas. Carlos Javier González, cociñeiro do Restaurante Merenzao, celebrará unha mostra de cociña no centro sociocultural baixo o nome de A rosca de Sober no resturante.
- 21:00 horas. Procederase á apertura dos postos de artesáns.
- 22:00 horas. Actuación do grupo Vai en concerto.
- 23:00 horas. Degustación gratuíta de rosca con licor café e mel.
Para o domingo 12, a programación é,
- 10:00 horas. Disparo de bombas de palenque e ás 10:15 procederase a apertura dos postos.
- 10:30 horas. Demostración de cestería en vivo ca colaboración do CENTRAD da Deputación de Lugo.
- 12:00 horas. Comenzará o espectáculo de teatro na rúa Duncan de Palleiro.
- 12:30 horas. Actuación do grupo de música tradicional Os Valuros.
- 13:00 horas. Degustación gratuíta de 2.000 racións de rosca con queixo.
- 13:30 horas. Segundo pase do grupo de musical Os Valuros.
