A Oficina de turismo de Sarria, sita na antiga prisión preventiva, acollerá do día 1 ao 29 de xuño en horario de 10:00 a 14:00 horas, a exposición fotográfica “Los valores del Camino en 12 meses”, organizada pola Mancomunidade de Concellos Galegos do Camiño Francés, baixo a presidencia do Concello de Sarria e cedida por Correos.

A mostra inclúe 12 fotografías, as cales reflicten os principais valores da Ruta Xacobea que os peregrinos destacan da súa experiencia no Camiño de Santiago: forza, espiritualidade, integración, cultura, diversidade, solidariedade, amizade, sensibilidade, sustentabilidade, hospitalidade, esperanza e paz.