Como xesto simbólico e en sinal de homenaxe e recoñecemento ás persoas que son doadoras de órganos e tecidos, na noite deste mércores procederase á iluminación da Torre da Homenaxe de San Vicente de cor verde.

O obxectivo desta conmemoración é concienciar á poboación para que aumenten as doazóns de órganos e que moitas persoas poidan seguir vivindo. A doazón é un xesto altruísta, considerado como o maior acto de bondade entre os seres humanos. Así, o lema deste ano é “Doar é amar: A túa solidariedade danos a vida”.

Neste senso, o  Alcalde sinala que “dende o Concello de Monforte, sumámonos a esta iniciativa e queremos facela ensiva a toda a cidadanía iluminando mañá de verde a Torre da Homenaxe, pois a doazón de órganos e tecidos é un xesto de gran xenerosidade e solidariedade que serve para mellorar a vida de moitas persoas e, en moitos casos, salvar vidas”.