O prazo de inscrición para o acceso ó Conservatorio Municipal de Monforte “Mestre Ibáñez” para o curso académico 2021/2022 ábrese a partir do vindeiro luns día 7 de xuño. O prazo para inscribirse na proba acceso ó 1º curso de grao elemental (proba de aptitude musical) será do día 7 ó 22 de xuño. A inscrición será gratuíta e poderase facer presencialmente na Secretaría do Conservatorio Municipal ou descargando a solicitude de proba de acceso na Sede Electrónica ou da web do Concello de Monforte, enviándoa debidamente cuberta ó correo do centro: conservatorio@concellodemonforte.com.
As probas terán lugar o día 23 de xuño ás 17:00 horas, de maneira presencial.
O prazo para inscribirse na proba de acceso ó 1º curso de grao profesional (pase de grao) será do día 7 ó 18 de xuño. A inscrición farase do mesmo modo ca anterior.
Estas probas de pase de grao terán lugar o día 21 de xuño ás 16 horas, de maneira presencial.
Finalmente, a inscrición en Preconservatorio, materia que vai dirixida a nenos/as de entre 6 e 7 anos a modo de cursos preparatorios para o grao elemental do conservatorio, realizarase do 7 ó 25 de xuño e do 6 ó 17 de setembro. O prazo de renovación de matrícula para os alumnos que xa estudan no centro, (incluído preconservatorio) para o vindeiro curso 2021/22, estará aberto do día 7 ao 25 de xuño.
Audicións Fin de Grao e Fin de Curso no Edificio Multiusos
O Auditorio do Edificio Multiusos acollerá neste mes de xuño as Audicións Fin de Grao e Fin de Curso, que están dirixidas a todo o público en xeral e con entrada gratuíta.
A Audición Fin de Grao terá lugar o venres día 4 de xuño ás 19:00 horas. Actuarán os seguintes alumnos/as de 6º curso:
- Sara Gegunde (Piano)
- Andrea Ferreiros (Violín)
- Brais Olmo (Clarinete)
Os seguintes días terán lugar varias Audicións Fin de Curso nas distintas especialidades e correrán a cargo do alumnado do Conservatorio Municipal. As actuacións realizaranse de forma individual, a dúo, ou en pequenos grupos de cámara. Serán as seguintes:
- Audición Violín – 10 de xuño ás 18:00h
- Audición Saxofón – 10 de xuño ás 19:00h
- Audición Guitarra e Percusión – 11 de xuño ás 19:00h
- Audición Piano – 15 de xuño ás 19:00h
- Audición vento Metal, Clarinete e Frauta – 17 de xuño ás 19:00h
- Audición Violín – 10 de xuño ás 18:00h
- Audición Saxofón – 10 de xuño ás 19:00h
- Audición Guitarra e Percusión – 11 de xuño ás 19:00h
- Audición Piano – 15 de xuño ás 19:00h
- Audición vento Metal, Clarinete e Frauta – 17 de xuño ás 19:00h
