Desde CCOO e unha vez consultada e debatida pola Asemblea aprobouse a seguinte proposta:

• 1° vixencia convenio 4 anos 2021 2022 2023 2024.
• 2° subida salarial 5% por cada ano de vixencia.
• 3º xornada laboral chegar á libranza de 22 sábados ao ano (actualmente está en 11)
• 4° Plus de festivos dobres voluntarios 100 €.
• 5° “Epis de traballo”. Mellora da calidade dos mesmos (traxes botas traxes de auga) dotación de bandas reflectoras para aumentar a visibilidade como consecuencia do alto risco nocturno.
• 6° Pasar a indefinidos aos traballadores temporais por orde de antigüidade na empresa.

Desde a Secretaria de Acción Sindical instan á dirección da empresa de recollida de lixo en Monforte a non dilatar a firma, xa que o persoal está disposto a convocar unha folga indefinida se ao final de xullo non houbese avances significativos na mesa de negociación. Comisións tamén lembrou á dirección de FCC que chegou o momento de “recoñecer o labor de sector esencial como quedou patente durante a pandemia, equiparables a sanitarios, bombeiros, policía e profesores.