HomeCulturaMobilibidade e urbanismo a debate no Ateneo Casino

Mobilibidade e urbanismo a debate no Ateneo Casino

Os vindeiros días 25 e 26 de xuño celebraranse as xornadas ‘Pensar Monforte’, sobre mobilidade e rexeneración urbana, en colaboración coa Universidade da Coruña, que expedirá un diploma acreditativo aos asistentes.

Publicado o

POR
Redacción
- Advertisement -

As xornadas están dirixidas por Manuel Docampo, profesor de Socioloxía Urbana e Ordenamento do Territorio na Universidade da Coruña. Contarán coa presencia de expertos en mobilidade e urbanismo como Encarnación Rivas Díaz, Directora Xeral de Ordenación do Territorio e Urbanismo, quen fará a presentación das mesmas e acompañará aos asistentes a un roteiro urbanístico na xornada inaugural xunto con outros dous poñentes.

A actividade, promovida pola plataforma cidadá Salvemos O Malecón, divídese en tres grandes bloques, titulados ‘A mobilidade que vén’, ‘Rexenerando a cidade’ e ‘Propostas’, nos que haberá charlas impartidas por expertos en arquitectura, xeografía, socioloxía e historia, así como mesas redondas e debates nos que participarán concelleiros de Urbanismo doutros Concellos galegos.

Na sesión de tarde do día 26 a coñecida periodista Manola Porto presentará e moderará unha mesa redonda á que foron convidados a participar todos os partidos políticos con representación no pleno municipal.

A inscrición a estas xornadas será gratuíta, e os asistentes recibirán un diploma acreditativo de 20 horas de formación expedido pola Universidade da Coruña.

Debido ás limitacións de aforo derivadas do Covid-19, será preciso inscribirse previamente, podendo facelo no teléfono 648 435 033 ou cubrindo o formulario que atoparán no enlace bit.ly/2TAG504.

As xornadas serán en horario de 10:00 h da mañá a 20:30 h da tarde. É posible inscribirse na totalidade das xornadas ou de forma parcial en sesións concretas.

ÚLTIMAS

O cartel “O Curso do Viño” anunciará a XLIII Feira do Viño de Quiroga

A pesar de non residir en Quiroga, a autora si visita habitualmente Os Anguieiros -...

O PP de Monforte denuncia que seguen os cortes de abastecemento por roturas na rede

A voceira popular, Katy Varela, explica que hai uns días que se realizaron as...

Este 15 de marzo preséntase no Casino de Chantada “O segredo do trasno”

A Irmandade Cultural País do Faro organiza este sábado, 15 de marzo, a presentación...

Falece un operario nun accidente no municipio de Chantada

Un operario faleceu este venres e outro resultou ferido nun accidente no municipio lucense...