O Campus de Volei e o Torneo de Volei Praia protagonizan o deporte de mediados de agosto en Monforte. O primeiro organizado polo Clube Voleibol Ribeira Sacra Monforte coa colaboración do Concello de Monforte está destinado a rapaces de entre 7 e 16 anos. A actividade desenvolverase entre o 20 e o 24 de agosto en horario de 10.00 a 13.30 h. no Pavillón Municipal da Pinguela. Os participantes contarán co asesoramento de tres grandes do volei internacional.

Mentres, no cadrado do Parque dos Condes desenvólvese ata o 24 de agosto o Torneo de Volei Praia. Este ano conta cun total de 202 participantes, 90 máis que na edición 2017, que compoñen un total de 31 equipos participantes.