Na distribución das achegas aprobadas, Monforte de Lemos contará co apoio do Goberno galego para realizar 16 contratos, Chantada cinco e Sober e Taboada dous cada un.
A medida busca favorecer a inserción laboral destas persoas co obxecto de proporcionarlles a experiencia e práctica profesional necesarias para facilitar a súa inserción laboral.
No conxunto da provincia de Lugo, a Xunta destina preto de 900.000 euros (892.500 euros) a colaborar con 16 concellos para contratar a un total de 68 persoas perceptoras da Risga.
O importe da subvención que se concede ás entidades beneficiarias será o equivalente ao necesario para sufragar os custos salariais totais, incluída a cotización empresarial á Seguridade Social, durante un período de nove meses.
A Xunta resolveu recentemente subvencións como as do programa Aprol Rural, que nas comarcas da Zona Sur de Lugo destina 302.900 euros para facilitar a contratación de 22 persoas desempregadas que levarán a cabo tarefas de prevención de incendios en 12 concellos; e os apoios por valor de 30.900 euros para cubrir dez postos de socorristas que vixían as zonas de baño de seisconcellos do sur lugués durante o verán.
