A asociación de veciños do Saviñao organiza unha sesión de contacontos para adultos “Movendo os Marcos” a cargo de Anxo Baranga membro da agrupación teatral Furafollas de Barcelona. O acto terá lugar o venres 6 de agosto a partir das 8 da tarde. Será na praza entre a Biblioteca municipal de Escairón e o Auditorio, ou no interior do Auditorio no caso de choiva. O acto será gratuito.
E tamén no concello do Saviñao, o Círculo Saviñao organiza interesantes actividades para este mes de agosto. O día 7 contarase coa actuación musical de Jorge Alcalá, será unha das actuacións de terraza do Círculo e terá lugar a partir das 8 da tarde. O 13 de agosto ás 8 e media da tarde será a presentación de libro del Mar López Sotelo, “Esgrafiados en la Ribeira Sacra y el Camino de Santiago.
O día 14 de agosto volven os concertos da terraza, con concerto a partir das 8 da tarde do dúo Two in the Mirror. O 21 de agosto ás 7 da tarde haberá concerto lusófono do cantautor angolano, Alberto Mvundi. E a programación de agosto no Círculo Saviñao pecharase o día 28 de agosto co concerto de Carta de Ajuste a partir das 7 da tarde.
