A inauguración farase o día 23 ás 13.00 h,  horario para o que está prevista unha degustación de elaboracións ecolóxicas aberta ó público. Durante a celebración da Feira poderanse atopar postos con marmeladas, froitas, hortalizas, conservas de peixe, infusións e cervexas artesás, entre outros alimentos certificados co selo de agricultura ecolóxica  .

A programación de Ágora Verde inclúe tamén actividades dirixidas aos cativos, como obradoiros nos que poderán elaborar murais relacionados coa agricultura ecolóxica.

A cita está organizada polo concello de Monforte e o CRAEGA (Consello Regulador de Agricultura Ecolóxica de Galicia). Segundo o alcalde, José Tomé, o obxectivo da Feira é fomentar a comercialización do produto ecolóxico, informar sobre os produtos certificados polo CRAEGA e potenciar o consumo saudable entre a poboación.