Baixo o nome de ‘Tanquián Tribe’ preséntase un grupo de artistas que chega á Cantina de Meán dende Pantón para ambientar e animar musicalmente unha velada máis de sábado noite.

A actuación, que combinará música con danza, está programada para o vindeiro sábado 28 ás 20:30 h. tendo que reservar previamente para poder ter mesa e cear. O teléfono para gardar sitio é o seguinte: 678 50 52 19

O suxestivo convite que fai o grupo a través das redes sociais é o seguinte: “Vinde a pasar unha noite de verán entre familia e seres queridos. Tocaremos unha mestura de temas propios, rap fem, Bossa Nova, Folk… un popurrí delicioso de harmonías, danza e boa onda”.