Despois dun ano de ausencia nas saídas sendeiristas pola pandemia da Covid, a asociación organiza o recorrido desta ruta de máis de 36 quilómetros repartidos en catro xornadas nas mañáns dos sábados.

A primeira etapa será dende Segade (Pantón) ata Marce, a segunda entre Marce e O Priorato da Cova, a terceira entre A Cova e Belesar e a última entre Belesar e Stº. Estevo de Ribas de Miño.

A saída será ás 9:15 da mañá e regreso en torno as 2 da tarde. É imprescindible apuntarse antes do venres para organizar o transporte e pode facerse a través do facebook da asociación ou do seu correo electrónico ( asociacionvecinaldosavinao@gmail.com ) ou dos teléfonos 982 452013 e 677726325.