Un home foi trasladado ao hospital nunha aeronave medicalizada despois de sufrir un accidente co quad que manexaba, no concello de Folgoso do Courel.

O 112 Galicia tivo constancia do sinistro, pasadas as 17,00 horas, a través da chamada do persoal sanitario. Na comunicación, os servizos médicos confirmaban a mobilización do helicóptero medicalizado, con base en Ourense, para o lugar de Moreda.

Así, os operadores do CIAE-112 facilitaron a información do accidente á Garda Civil de Tráfico e aos membros do GES e de Protección Civil de Folgoso. Finalmente, a Agrupación de Voluntarios de Protección Civil confirmoulle ao 112 que o condutor do quad foi trasladado, na aeronave, ata o Hospital Lucus Augusti (HULA).