Trátase dun circuíto que promove FEGATEA (Federación Galega de teatro Afeccionado) que consiste nunha programación de catro funcións teatrais por sedes repartidas por toda Galicia, onde os grupos actuarán fóra do seu círculo xeográfico. Desta forma o circuíto promove a mobilidade xeográfica dos grupos de teatro.
A Federación Galega de teatro Afeccionado (FEGATEA) acadou o ‘Premio da Cultura Galega 2021 en artes escénicas’
No caso de Sarria, será durante todo o mes de novembro con funcións de balde ata completar aforo, programadas para as 19:30 h. e aptas para todos os públicos. Estas son as datas e as obras que se poden ver na Casa da Cultura de Sarria:
-Sábado 6 de novembro: “Xacovedra”, da Compañía Andaraina Teatro.
-Sábado 13 de novembro: “Rutinas”, a cargo de Max Teatro.
-Domingo 14 de novembro: “Nadal na casa dos Lamelo casa”, de Achado Teatro.
-Sábado 20 de novembro: “Casting”, da Compañía Hipócrita Teatro.
Dende o Concello de Sarria agradecen a Rebuldeira Teatro “o moito e bo que se fai en teatro en galego, más se cabe nos tempos que corren”.
