Será a segunda edición destas xornadas micolóxicas que organiza o Concello do Saviñao e terán lugar o vindeiro domingo 14 de novembro.
Esta actividade de outono dará comezo cunha saída, ás dez e media da mañá, dende a Casa do Concello. O obxectivo da mesma é ir ao monte para recoller cogomelos da man dun guía experto en micoloxía que ofrecerá información detallada aos presentes.
A continución, sobre as doce e media, dará comezo un showcooking na ludoteca a cargo de Manuel Fernández Pérez, coñecido por ser o chef do restaurante monfortino ‘Manuel Bistró‘. O obradoiro centrarase no cociñado de diferentes variedades de cogomelos.
A xornada é gratuíta e as prazas, limitadas, serán preferentes para os e as empadroados/as no Saviñao.
Os interesados e interesadas poden informarse ou inscribirse na Casa do Concello ata o venres 10 de novembro ou a través do teléfono 982 45 20 61.
