O pintor xa expuxera no Círculo en varias mostras colectivas, “Catro médicos pola Ribeira Sacra” de 2014, 2017 e 2019 e na de Amigos do Círculo Saviñao coa Asociación de Amizade Galego Portuguesa.

As pezas da exposición que agora chega ao Círculo Saviñao acaban de ser descolgadas do Colexio de Médicos da Coruña, onde formaron parte dunha exposición benéfica.

O doutor Pablo Galego Feal exerce na actualidade en Coidados Paliativos en Santiago de Compostela despois de formar parte do equipo de xestión do SERGAS durante anos.

O Círculo Saviñao síntese orgulloso de volver mostrar as obras de Pablo aos asociados, que poderán gozar da mostra ata o 5 de decembro.