Esta petición dos socialistas xa foi levada a pleno en xullo, recollendo así «a preocupación que nos manifestaron os veciños e veciñas da zona de Vista Alegre», declara Raquel López, voceira do PSOE chantadino.

Despois do arranxo que se levou a cabo, son varias as caídas que se produciron nas beirarrúas, ás que agora se engaden máis nos pasos de peóns. «Dende o PSOE pedimos ó grupo de goberno – en varias ocasións – que revisara o estado da zona e estudara o xeito de evitar que constitúa un risco para os veciños e veciñas» insiste Raquel López, que fai fincapé na importancia de facelo canto antes, xa que achéganse as épocas de máis choivas, que fan o chan máis esvaradizo.

Segundo os socialistas, pese á súa insistencia e á dos veciños e veciñas desta rúa, o grupo de goberno do Concello de Chantada (PP) encabezado por Manuel Lorenzo Varela, continúa sen dar resposta nin facer nada ó respecto.