Con esta nova obra, mellórase a conexión de Escairón co polígono e auméntanse os servizos aos veciños e veciñas, segundo sinalan desde o concello. A obra supuxo un investimento de 63.000 euros e contou co apoio dunha subvención da consellería de Economía, Empresa e Innovación.

O rexedor explica que se trata dun “paso máis” na urbanización das zonas anexas á capitalidade municipal que permitirán unha conexión máis humanizada entre a zona urbana e a zona industrial. Ademais, contribúen á mellora da seguridade viaria ao dotar de espazos específicos para o uso por parte dos peóns.