O contrato estaba reservado a unha empresa de inserción laboral resultando adxudicataria Properdis, contando cun prazo de execución de 2 meses para mellorar neste lugar a accesibilidade e conectividade tanto rodada como peonil.

Grazas a estes traballos tamén se mellorará a infraestrutura para recoller as augas pluviais, ademais de definirse un muro para delimitar o paseo, colocarse a iluminación na totalidade do viario e instalarse nova sinalización.

A Xunta leva unha década colaborando coas entidades locais a través do chamado Plan Hurbe na execución de intervencións e proxectos urbanísticos como o que propón que contribúan a crear, mellorar ou humanizar equipamentos de uso común e colectivo. Esta liña de traballo manterase no 2022 co fin de contribuír a dinamizar as vilas galegas e a mellorar a calidade de vida dos seus veciños.