A recente falta da terceira praza de médico de familia do centro de saúde de Pantón provocou que a oposición no concello, BNG e PSOE, desenvolvese diversas medidas para garantir o mantemento desta praza. Entre elas convocáronse varias concentracións ao considerar que o compromiso dado ao rexedor local polo xerente da EOXI non se ía cumprir con persoal fixo. O compromiso de Ramón Ares era que a partir do 30 de novembro a praza cubiriríase.

O 1 de decembro Pantón agardaba o seu terceiro médico, pero non chegou o médico fixo que se agardaba, e así se lle comunicou ao centro de saúde por parte da EOXI, pero non se informou ao concello, o que molestou ao alcalde con quen se comprometera o xerente.

Nesta situación, José Luis Álvarez solicitou entrevista co Conselleiro de Sanidade, de quen trae un novo compromiso, “que a partir de primeiros de ano a praza cubrirase con persoal fixo, pero polo momento tenta cubrirse enviando un médico de familia cando é posible”, asegura o alcalde que así llo confirmou García Comesaña.

“Falo por boca do conselleiro; se as cousas despois non fosen así tomariamos as medidas necesarias entre todos. As cousas é mellor arregalas falando que con manifestacións, pero se non hai outro remedio faranse,” conclúe o alcalde.