Paula Uría subliñou que a Xunta ten claro que o futuro do sector eólico en Galicia debe pasar por unha planificación ordenada, que permita achegar seguridade xurídica ao sector, ao mesmo tempo que dá prioridade a un desenvolvemento compatible co medio natural. Con ese obxectivo, lembrou que a Administración autonómica decidiu establecer unha moratoria de ano e medio que acaba de entrar en vigor este mesmo mes, para poder tramitar coas máximas garantías os expedientes que hai agora mesmo sobre a mesa.

Entre outras cuestións a Xunta estableceu unha nova limitación na distancia dos aeroxeradores con respecto aos núcleos de poboación, co obxectivo de reforzar a compatibilidade coa protección do medio ambiente e as actividades do sector primario.

Ao respecto dos proxectos eólicos, a administración autonómica ten á disposición dos concellos a rede de información provincial de proxectos, unha guía divulgativa da tramitación e unha oficina de información, especialmente destinada, ao propietarios de terreos.